N’hao nau kan ntĭm gai bơh Ðảng đah nau pah kan bư trŭnh nau rêh o-ach nâp phêt

N’gâng kan Bí thư đă kơl bon lan bu nong iê bu nuyh gơi trŭnh nau rêh o-ach nâp phêt. Ảnh Hồ Mai

Tĕng nau kan aơ, gơi pah kan lôch uĕh nau nchră kan bư trŭnh đa chiều r’noh r’năk o-ach hôm 1 – 1,5% du năm yor Nau n’hêl Rbŭn têh XIII bơh Ðảng đă kan; nsrôih pah kan tât lôch năm 2030, mô hôm gĕh n’qual o-ach, xă gĕh nau rêh jêr jŏk ngăn ngên; N’gâng kan Bí thư đă ăp n’ntŭk cấp ủy, n’gâng kan đảng, ăp n’gor, Mặt trận Bri dak Việt Nam n’hanh ăp phung kan nchŭn n’hâm suan tĕng pah kan, pah kan ân lôch uĕh ăp ntil nau bri dak jao kan, nau kan kh’lay. Tâm nĕ, ăp cấp ủy, n’gâng kan đảng nchŭn n’hâm suan ntĭm gai, njdôt bôk leo pah kan ân trŭnh nau o-ach nâp phêt; uănh nau bư trŭnh nau rêh o-ach jêng nau ndâk kan têh, kh’lay tă bơh Ðảng, Bri dak, jêng nau kan chính trị kh’lay, dơi pah kan nao nao, pah kan ân jŏ bơh ăp n’gâng kan chính trị n’hanh lam bon lan. Nau kơl trŭnh nau rêh o-ach, kơp di o-ach đa chiều tâm r’nglăp ma nau kan n’hao nâp phêt, gơi nau rêh rlau nar rlau hao n’hanh dơi dŏng ăp ntil nau kơl tâm bon lan; plăch r’gâl ta nau kan bư trŭnh nau rêh o-ach, trŭnh nau kan kơl gĕh nô nau, n’hao nau kan ân manh prăk ma r’năk gĕh nau rêh o-ach, kơl nau rêh ma r’năk o-ach mô gĕh n’hâm suan pah kan. Lam bri dak jă đăn n’hanh dŏng ân di prăk rêl nsu trŭnh nau rêh o-ach. Bri dak njdôt bôk tơm dŏng prăk pah kan, jêh rĭ jă dăn ăp prăk rêl bă bă tâm bon lan gơi nau kan bư trŭnh nau rêh o-ach dơi pah kan nâp phêt.

Bảo Ngọc

Bảo Ngọc