Rơm pah kan uĕh ma nau tâm rlong nti lôch wâl săm bŭt gưl III năm 2021

Wâl nti săm bŭt gưl III Dak Glong rlong thi, sâm kơl kon se nti săm bŭt mơng ma nau tâm rlong nti lôch wâl săm bŭt gưl III. Ảnh: Nguyễn Hiền

Ủy ban bon lan n’gor mhe trŭnh nau kan n’hao nau ntĭm gai tâm rlong, đă ăp n’gâng kan, ăp ntŭk kan tâm n’gor ndâk nchră nau kan gơi nau tâm rlong nti lôch wâl săm bŭt gưl III dơi đăp mpăn, dơi pah kan uĕh, pah kan ân di, đăp mpăn n’jrăng, n’gang nau ji tưp Covid-19.

Gơi ndâk tâ tâm rlong nti lôch wâl săm bŭt gưl III năm 2021 đăp mpăn, dơi pah kan uĕh, pah kan di. N’gâng kan Ntĭm gai nau tâm rlong n’gor Dak Nong lĕ n’hâm suan nsrôih, gĕh nau nchră kan. N’gâng kan Ntĭm sơm nchŭn n’hâm suan ndâk nau kan, rơm nŭm jrô tâm rlong, ăp ntil nau kan bă bă gơi ndâk nau tâm rlong nti lôch wâl săm bŭt gưl III. N’gâng kan Ntĭm sơm – Ntĭm nau kan ndâk nau kan nê nê: Ntĭm nau kan n’hanh nau n’hêl ndâk nau tâm rlong nti lôch wâl săm bŭt gưl III, rdeng săm bŭt tâm rlong n’hanh rdeng săm bŭt jêh rlong, in săm bŭt tâm rlong, uănh tâm rlong, nkra phăch nau tâm rlong tự luận, chấm nau bai jêh tâm rlong, phúc khảo bai jêh tâm rlong, ksiêm nau pah kan ndâk nau kan rlong nti lôch wâl săm bŭt gưl III…

Yor gĕh nô nau tâm tưp nau ji, gơi đăp mpăn nau cach ly n’hanh trŭnh đê nau luh lăp, lam n’gor ndâk gĕh 18 ntŭk tâm rlong đah ma 298 jrô tâm rlong n’hanh kuăl jă gĕh 1.234 kan bộ, nai ntĭm săm bŭt, bu nuyh pah kan uănh tâm rlong nti lôch wâl săm bŭt gưl III. Du ntŭk tâm rlong dơi bu dơm 2 mlâm camera, gơi treng uănh lĕ r’ngôch ndơ dŏng dơm săm bŭt kon se tâm rlong, bai jêh tâm rlong tâm jrô tâm rlong.

Bảo Ngọc

Bảo Ngọc