Nau kan rơm ma nau Rbŭn têh XIII bơh Ðảng lĕ dơi pah kan lôch tĕng nau đă n’hanh nau mĭn nchră kan

Ta tâ Rbŭn nchră nau kan aơ, Trung ương lĕ tâm nchră, yơr di ruah bu nuyh kan têh, ruah tay ăp wa ntơm dơi pah kan N’gâng kan Chăm gai Trung ương; ruah sŏk tay ăp wa Ủy viên Trung ương gưl XII kơp lah “gĕh nau kh’lay” pah kan tay ta gưl XIII n’hanh ăp wa ntơm dơi pah kan kơp lah “gĕh nau kh’lay” lăp kan Ủy viên Trung ương ngăn ngên; tă bơh bu nuyh pah kan lah Ủy viên Bộ Chính trị gưl XII kơp lah “gĕh nau kh’lay” pah kan tay ta gưl XIII n’hanh ruah ăp kô ruanh têh ndjôt bôk kan tâm Ðảng, Bri dak ta năm pah kan gưl XIII đah r’noh săm bŭt phiếu dơi bu ruah âk.

Tổng Bí thư, Kô ruanh bri dak Nguyễn Phú Trọng mbơh ngơi ntĭm nau kan lôch nar Rbŭn nchră nau kan.

N’gâng kan Chăm gai Trung ương lĕ tâm nchră, du nuih tĕng nau kan ruah săk Phung Kô ruanh, Phung Thư kí n’hanh Ban ksiêm nuih n’hâm bu nuyh kan têh bơh Rbŭn têh XIII; jêh iăt nau mbơh hưn bơh N’gâng kan Chăm gai Trung ương Ðảng gưl XII đah ăp ntil nau kan mpơl ta nar Rbŭn têh XIII, nau kan ruah bu nuyh lăp kan N’gâng kan Chăm gai Trung ương gưl XIII; dăn nau kan tâm Nau mbơh nchŭn nau kan têm nkrem prăk rêl đảng năm 2016 – 2020. Trung ương lĕ đă Tiểu kan Ndâk nau kan Rbŭn têh n’hanh ăp ntŭk kan, n’gâng kan ngăch pah kan, pah kan nê nê gơi ksiêm lĕ r’ngôch ăp ntil nau kan rơm rbŭn, gơi nau Rbŭn têh XIII bơh Ðảng dơi pah kan lôch uĕh.

Rup mpơl nar Rbŭn nchră nau kan tâl 15 N’gâng kan Chăm gai Trung ương gưl XII.

Mbơh ngơi lôch nar Rbŭn nchră nau kan, Tổng Bí thư, Kô ruanh bri dak Nguyễn Phú Trọng lĕ nkah, Rbŭn nchră nau kan lĕ dơi pah kan lôch uĕh; nau kan rơm ma nau Rbŭn XIII bơh Ðảng lĕ dơi pah kan lôch tĕng nau đă n’hanh nau mĭn nchră kan.

Bảo Ngọc

Bảo Ngọc