Gia Nghĩa ktưn pah kan lôch jêh ndâk njêng bon lan mhe tâm năm 2020

Nau n'kôch - Nau geh kan - Ngày đăng : 10:21, 19/03/2020

Tĕng nau nchră kan bơh UBBL n’gor, Bon têh Gia Nghĩa kơp di bon lan mhe tâm năm 2020. Ðảng bộ, n’gâng kan bri dak n’hanh Bu nuyh bon lan nsrôih n’hâm suan ndâk njêng Gia Nghĩa kơp di bon lan mhe đah nau ngăch mprăl, tâm di ma nau kan bu moh bon têh tơm tâm nau pah kan chính trị, nau wăng sa, nau way, nau rêh bon lan tâm n’gor.

Abaơ, lam bon têh gĕh rlau 450 ntŭk kan nkra, tăch r’văt drăp kông nghiệp, rlau 4.000 r’năk n’hanh 250 doanh nghiệp pah kan tăch r’văt drăp ndơ – dịch vụ. Ăp ntil nau pah kan nkra drăp ndơ tâm r’nglăp đah nau kan r’văt drăp, n’hao nau kan bư mir jan ba kơt tĕng kông nghệ mhe dơi bư hao suy kơl bư hao nau wăng sa. Nau rêh ôi mhau bu nuyh bon lan rlau nar rlau uĕh: 100% thôn, bon gĕh trong rse ŭnh điện bri dak, r’noh r’năk bu nuyh bon lan dơi dŏng điện, 99% r’năk tâm bon lan bơh pĭt bon têh dơi dŏng dak kloh, r’noh trong dak blĭt n’hanh trong bê tông tâm bon têh, gâng ŭnh ang măng ăp trong têh tâm bon têh gĕh 100%. Bon têh Gia Nghĩa jêng du bon têh mô hôm gĕh r’năk o-ach tâm n’gor.

Trong hăn tâm bon têh Gia Nghĩa gĕh tơm si n’king ân n’hâm 97%. Ảnh: Cao Biên

Trong hăn tâm bon têh Gia Nghĩa huy, nơih bĭt rdeh. Ảnh: Cao Biên

Bu nuyh bon lan kơt tĕng nau kan kông nghệ mhe bư mir jan ba

Tăm ndơ sa hữu cơ, bư drăp ndơ sa kloh mô gĕh khih dak si jêng du ntil nau pah kan nâp phêt bơh âk r’năk bu nuyh bư mir ta Gia Nghĩa

Âk trong hăn ta ăp xă abaơ lĕ dơi bri dak bư jêng trong bê tông

Leng Nung, xă Dak Nia jêng du ntŭk bu năch ŭch hăn pâl, khâl uănh nau way bon lan tâm bon têh

H'Mai

H'Mai