Dŏng kao mi nga hồng nglang săm siĕk ma kon se
Nay way - Bon lan - Ngày đăng : 16:47, 07/10/2021
Kao mi nga nglang dơi bu dŏng săm siĕk lah ntil hồng cổ, kao n'hơ, n'hao vil, gĕh âk nar n'hanh n'kĭng băn nĕ kao mi nga aơ way nkŭp leo tâm dâng. Kao mi nga nglang njŭng, tính bình, bô kah, mô gĕh khih.
 |
Kao mi nga hồng nglang cổ |
+ Sŏk 5 - 7 mlâm nar kao mi nga, tho kloh, n'hôr đah dak ndrel ma dak sŭt mô rĭ sĭk. Du tâ dŏng du n'hoi ân kon se ngêt mbơi mbrơi. Sâm kơl săm bah siĕk, sâm kơl săm jim mlông.
+ Sŏk n'hôr đah dak 15 gam kao mi nga nglang, 1 mlâm play quất dŭm n'hanh du n'hoi dak sŭt mô rĭ chê iê sĭk. Jêh sĭn he jân ân rhăch, iĕk sŏk dak ngêt. Sâm kơl săm bah siĕk n'dik, siĕk luh n'hak, tâm nĕ săm nau ji mlông ân ma kon se.
Nau n'kah: Nau ntĭm bư dak si aơ mô dŏng ân ma kon se e hŏ tât 12 khay. Lah n'hôr sĭk chrai he n'hôr tay 3 - 5 mnĭt. Mô dơi bư rhăch kao mi nga yor lah he bư rhăch kao mi nga roh nau uĕh. Dŏng ngêt 3 tâ lor ma sa, ngêt nao nao tâm du pơh.
Mẫn Doanh (t.h)