Trong gĕh nau kh’lay hăn tâm lơh Bắc-Nam găn ta Dak Nong

Găn ăp ntil nau jêr jŏk, nau khĭt ôm, lơ 30/10/1960, Ðoàn B90 lĕ tâm mâp ma Ðoàn C200 bơh mpeh Ðông Nam bộ. Jêh Ðoàn aơ hăn tât ta Dak Lak (ơm) sŏk săk moh lah B4, tâm pă jêng bar ntŭk kan pơk trong hăn tât ta Nam. Ta mông aơ, Mpeh ủy Ðông Nam Bộ pơk ăp đoàn tă bơh mpeh tâm lơh D pơk trong hăn tâm mâp ma đoàn B4.

Ta 4 mông mhau lơ 30/10/1960, du mpeh đoàn B4 lĕ tâm mâp ma đoàn C200 ta Vàm Dak Tik, n’gor Ðồng Nai Thượng, abaơ lah thôn Ðồng Tiến, xă Dak Nia, bon têh Gia nghĩa. Ta 8 mông măng lơ 4/11/1960, mpeh tâl bar bơh đoàn B4 tâm mâp ma phung ka han tâm lơh n’gor Phước Long-Ðông Nam Bộ ta mpeh trong pe Dak N’Soong, abaơ ta thôn 8, xă Nam Bình, n’qual Dak N’Soong. Ntơm bơh aơ, trong gĕh nau kh’lay hăn tâm lơh Bắc-Nam – trong hăn jâng Trường Sơn – trong Hồ Chí Minh kăl e dơi bu bơh ntơm Bắc tât Trung ượng Cục mpeh Nam, suy kơl njŭn kăch mạng mpeh Nam r’gâl tâm nau pah kan mhe, tâm lơh tay gơi sŏk lơi neh ntu mpeh Nam bu pit, kluôn lĕ bri dak.

Du ntŭk mpeh bơh đoàn B4 tâm mâp ma đoàn C200 ta Vàm Dak Tik, n’gor Ðồng Nai Thượng, ta 4 mông mhau lơ 30/10/1960, abaơ lah ta thôn Ðồng Tiến, xă Dak Nia, bon têh Gia Nghĩa

Ntŭk tâl bar bơh đoàn B4 tâm mâp đah phung ka han tam lơh n’gor Phước Long-Ðông Nam Bộ, tâm r’nglăp trong hăn jâng Hồ Chí Minh ta 8 mông măng lơ 4/11/1960, ta thôn 8, xă Nam Bình (Dak N’Soong)

Lơ 9/12/2013, Thủ tướng Chính phủ trŭnh Nau kan mrô 2383 ta nau kan dăp Ntŭk têl nau tâm lơh kăl e bri dak dah Ntŭk têh nô nau kăl e Trong Trường Sơn-Trong Hồ Chí Minh (tâm nĕ gĕh trong gĕh nau kh’lay hăn tâm lơh mpeh Bắc-Nam găn ta n’gor Dak Nong)

Bảo Ngọc

Bảo Ngọc