Âk r’năk bon lan bu nong iê bu nuyh xă Quảng Khê, dăn thơ luh r’năk o-ach
Nay way - Bon lan - Ngày đăng : 14:00, 18/06/2020
Xă Quảng Khê (Dak Glong) abaơ gĕh 3.063 r’năk, 12.704 bu nuyh; tâm nĕ bon lan bu nong iê bu nuyh gĕh 704 r’năk, 3.156 bu nuyh.
Tâm ăp năm lĕ lăn, dơi ăp ntŭk kan, n’gâng kan ndâk nkra ngih wâl gung trong, kơl ân tơm tăm mpô mpa rong, kơl kĩ thuật mât mray… nĕ nau rêh bu nuyh bon lan lĕ gĕh âk nau r’gâl, r’noh r’năk o-ach dôl trŭnh. Tâm năm 2019, lam xă gĕh 247 r’năk dăn thơ luh r’năk o-ach, tâm nĕ bon lan bu nong iê bu nuyh gĕh dăch tât 100 r’năk.
 |
Dơi Bri dak kơl ân prăk manh, âk bu nuyh bon lan gĕh prăk rêl bư hao nau wăng sa |
 |
Yor gơih nsrôih pah kan nĕ nô K’Jang (1993) bu nong Mạ ta bon B’Dơng, xă Quảng Khê gĕh nau rêh đăp mpăn n’hanh o-ach năm 2019 |
 |
Âk r’năk bon lan ta thôn Dak Lang, xă Quảng Khê klaih nau rêh o-ach yor tăm tơm dâu rong ndrŭng brai |
 |
Bon Phi Mur, xă Quảng Khê dôl plăch r’gâl ăp nar |
A Trư