Rbŭn bư brah m'ak gĕh rek ba lŏ bơh bu nuyh Bu Nong
Bri dak - Kon bu nuyh - Ngày đăng : 16:49, 07/10/2021
Aơ jêng nau pah kan gơi kah gĭt ma Brah yang lĕ mât uănh ân gĕh ndu ndơ tăm n'hanh gĕh n'sĭt ba sa jêh du năm nsrôih pah kan jêr jŏk. Bu nuyh bon lan dăn du yăn bơh kơi mih uĕh rsial di, ba hao jêng, mô gĕh mpô mpa lăp sa, njŭn nau rêh rơm răm ma bon lan. Ndu ndơ dơi bu dŏng bư brah gĕh poăch sur, phe, jrêng sŭt, ndrănh yăng, sa ônh, mpon, prit, kao ba dŭm... Ta drŏng ba ta wâl, bu ranh bon bư brah lah yang gơi kuăl jă brah yang tât rbŭn. Jêh rĭ, chĭng goong dơi bu nuyh bon lan goh, ăp bu druh k'dŏ m'ak răm Brah yang tât rbŭn ndrel. Bu ranh bon tât ta tơm gêy, ntŭk dơm ndu ndơ mbah lah uĕh Brah yang lĕ mât uănh bon lan gĕh âk ba, tay tay brah yang mât uănh uĕh nô nau pah kan ta yăn bơh kơi. Jêh bư brah bu ranh bon ndjôt bôk sur dơm ta drŏng ba, ăp bu nuyh tâm bon k'dŏ. sa ăp ntil trau sa kăl e bu nong...
 |
Bu nuyh Bu Nong mbah lah uĕh ăp Brah yang lĕ kơl bon lan gĕh du yăn rek âk ba ta tâ Rbŭn bư brah gĕh rek ba |
 |
Bu druh Bu Nong k'dŏ tĕng bâr chĭng bu goh |
Hồ Mai