Thiếu tướng Lê Quảng Ba - kô ruanh tơm ntĭm tâm lơh bu nong Tày bơh Ka han Bu nuyh bon lan Việt Nam
Bri dak - Kon bu nuyh - Ngày đăng : 09:54, 25/03/2021
 |
Rup mpơl Thiếu tướng Lê Quảng Ba |
Che lăp pah kan ma kăch mạng tâm năm 15 năm. Năm 1941, Wa Hồ sĭt tâm bri dak, che dơi bu jao pah kan mât n’hanh ntĭm trong hăn. Lê Quảng Ba jêng du huê ka han tâm lơh tơm gĕh bơh Ðảng dơi bu jao bư kô ruanh phung du kích Pắc Bó (khay 11/1941). Lôch năm 1944, che ndrel ma wa Võ Nguyên Giáp, Vũ Anh hăn ta Nà Sác dơn nau kan ndâk njêng đội Việt Nam tuyên truyền giải phóng quân. Jêh dơi kăch mạng tâm lơh, Lê Quảng Ba dơi Ðảng n’hanh Wa Hồ iăt n’hanh jao âk ntil nau kan kh’lay. Che dơi pah kan bư đặc phái viên Wa Hồ n’hanh đặc phái viên kô ruanh Lư Hán gơi pah kan tâm nklaih nô nau Hoa kiều. Jêh rĭ, che dơi bu jao nau kan ntĭm gai nau tâm lơh têh tâm nĕ gĕh Mặt trận Đông Bắc Duyên hải; Mặt trận Đông Bắc 2; Tư lệnh ka han mpeh Thập vạn đại sơn... Lê Quảng Ba dơi bri dak jao bư Tư lệnh ka han mpeh Việt Bắc. Che gĕh âk n’hâm suan kơl ndâk njêng phung Ka han Bu nuyh bon lan Việt Nam - Ðại đoàn 316… Che jêng du huê bu nuyh tơm dơi pah kan bư Kô ruanh uănh gai Ủy ban Bu Nong bơh Bri dak Việt Nam Dân chủ Kộng hòa…
Hồ Mai (t.h)