Hoàng Văn Nọn-Bí thư Chi bộ Ðảng ntơm gĕh tâm n’gor Cao Bằng

Wa Hoàng Văn Nọn

Dơi Ðảng jao sĭt ta Cao Bằng pah kan, năm 1930, ta n’hor dak Nặm Lìn, wa Hoàng Văn Nọn ndâk njêng n’hanh bư Bí thư Chi bộ Ðảng ta Cao Bằng ndjôt bôk ntĭm gai kăch mạng lam n’gor. Wa Hoàng Văn Nọn hôm dơi wa kô ruanh Nguyễn Ái Quốc trực tiếp ntĭm nau Nga n’hanh dăn nti jrô lý luận Mác – Lê-nin, jêng du huê bu nuyh nti gĕh nau nti dŭt ma blau. Năm 1938, ka han bu nhŭp wa ta Hà Nội, krŭng ta wâl ndrung Hỏa Lò. Năm 1945, Nhật lơh Prăng, wa ndrel băl bu krŭng du ndrung du nchuăt, sĭt ta Cao Bằng pah kan tay, moh săk lah Hoàng Như. Wa lĕ ndâk njêng phung ka han ngăch ngăn gơi pĭt bri dak he sĭt ma kăch mạng ta ăp châu mpeh Ðông n’gor Cao Bằng. Ăp năm bơh kơi, wa pah kan tay, ta ăp ntil nau pah kan bu jao dơi wa pah kan lôch uĕh ngăn.

Hồ Mai (t.h)

Hồ Mai (t.h)