Bangx jông jas thi cơưv tar THPT shông 2021

Xur mông - Xưv cxênhx - Ngày đăng : 10:34, 24/06/2021

Jas thi cơưv tar THPT shông 2021, tangs nro xênhr muôx 6.702 thir sinh đăng cir côngv thi; hur ntơư muôx 6.513 thir sinh zor zux phôv thông, 189 thir sinh zor zux tsi tsês haz 298 thir sinh tưx zo. Thir sinh minhx cxưx nênhs tsơưs đăng cir côngv thi muôx 574 lênhx; hur ntơư muôx 388 thir sinh minhx cxưx nênhs tsơưs nhoz qơư.

Tsêr THPT Đăk Glong tsov cưv thi siv, pangz shuv xinhz cor cangv cui trinhx jas thi. Ảnh: Nguyễn Hiền

WBPX xênhr tưz ban hanhx chiv thix cxiz chênhr tơư kra jas thi, cuôs chor sơv, nganhx, trôngx qơư cxiv tsang phương anr bov đamv cxuô điêux ciêns chia tsov cưv jas thi an toanx, jông, zos cui chêr, bov đamv hâux lưv phangx, tangr moz Covid-19.

Chia tsov cưv jas thi cơưv tar THPT shông 2021 an toanx, jông, huv cui chêr, Ban Tơư kra jas thi xênhr Đăk Nông tưz trâu saz bangx, muôx phương anr mênhx pêv. Nganhx Zor zux tox tsongs kra, uô tar cơ sơv vâts tsât, chor hâur pâuk đăngs jul zov chênhr pangz mangx trâu jas thi. Sơv Zor zux-Đox tox muôx phương anr mênhx pêv chor keiz xưs li: yangz shuv cui chêr haz nghiex vus tsov cưv jas thi, chox xang đêx thi haz baix thi, in sao đêx thi, seiz thi, uô phach baix thi tưx luâns, tsâmr thi, phuc khaov baix thi, thanh tra, cxênhz yuôx…

Viv cangz moz, chia bov đamv cêv kuôl tưz xưs li tsơưs môngl lus, tangs nro xênhr cxiv tsang 18 kror qơư thi đrul 298 phongx thi haz zuôr muôx 1.234 canr bôx, zor viên, nhân viên pangz mangx jas thi. Iz kror qơư thi bur chir 2 camera so xseiz, bov đamv seiz lo tangs nro chuôz zênhx ntiv đêx thi, baix thi hur phongx thi. 

Bảo Ngọc

Bảo Ngọc