Tâ rbŭn 11, Quốc hội Gưl XIV: Dơi pah kan lôch ăp ntil nau nchră kan

Lôch nar Rbŭn 11, Quốc hội Gưl XIV

Tâm năm 2016 – 2021, Quốc hội pah kan uĕh ăp ntil nau kan, njêng gĕh nau kan uĕh tâm nau wăng sa – nau rêh bon lan, mât nâp pêt nau đăp mpăn, neh ntu bri dak, n’hao nau k’hưm n’hanh nau uĕh Việt Nam tâm lam ăp bri dak, sâm kơl njêng gĕh ăp ntil nau plăch r’gâl tâm bri dak, n’hao nau uĕh n’hanh nau iăt tĕng cử tri, Bu nuyh bon lan ma Ðảng n’hanh Bri dak.

Quốc hội lĕ sach: Kô ruanh Quốc hội; Kô ruanh Hội đồng sach bu nuyh kan bri dak; Kô ruanh bri dak; Thủ tướng Chính phủ; 3 Groi Kô ruanh Quốc hội; Groi Kô ruanh bri dak; 5 ủy viên ủy ban Chăm gai Quốc hội; Kô ruanh 3 ủy ban bơh Quốc hội; Tổng Thư kí Quốc hội; Tổng Kiểm toán Bri dak.

Kô ruanh ntĭm gai Ðảng, Bri dak nklăch săm bŭt sach Thủ tướng Chính phủ

Quốc hội trŭnh nau kan dơn sŏk: 2 Groi Thủ tướng Chính phủ, 12 bu nuyh kan têh tâm Chính phủ.

Quốc hội trŭnh nau kan dơn sach 2 Groi Kô ruanh, 8 ủy viên Hội đồng sach bu nuyh kan bri dak, 1 Groi Kô ruanh, 3 ủy viên Hội đồng mât neh ntu bri dak n’hanh nau đăp mpăn tâm bri dak.

Tâ rbŭn trŭnh dŏng kan Luật N’jrăng, n’gang ma túy (plăch r’gâl); Trŭnh dŏng Nau n’hêl rlong dăp dơm bu nuyh pah kan chuyên trách bơh HÐBL bon têh Hà Nội.

Bảo Ngọc

Bảo Ngọc