Jă dăn băl mpôl uănh rŏ ta Báo Dak Nong điện tử gơi uănh lĕ r’ngôch nau nchih nau n’hêl: baodaknong.org.vn/Chính trị/Ðại hội Ðảng bộ tỉnh lần thứ XII.
 |
Kô ruanh têh du nuih bư tĕng Nau n’hêl Rbŭn têh Ðảng bộ n’gor Dak Nong tâ XII |
* Lĕ r’ngôch ntil nau nchră kan:
Rbŭn têh lĕ du nuih bư tĕng lĕ r’ngôch ntil nau nchră kan: “N’hao nau kan ndjôt bôk bơh Ðảng bộ, ndâk njêng nau pah kan chính trị kloh uĕh, nâp phêt; n’hao nau mĭn nsrôih tâm nuih n’hâm, nau nsrôih hao tâm nau rêh ăp bu nong; dŏng uĕh ăp ntil ndơ gĕh, nau gĕh, njŭn Dak Nong ngăch hao têh, nâp phêt; mât chiă đăp mpăn neh ntu bri dak, đăp mpăn nau rêh tâm bon lan; nsrôih ndơp jêng du n’gor gĕh nau hao trung bình khá ta năm 2025 n’hanh n'gor hao khá ta năm 2030 tâm mpeh Tây Nguyên.
 |
Kô ruanh têh bu nong iê bu nuyh m’ak tât Rbŭn têh |
* Ăp ntil nau nsrôih pah kan:
(1) R’gâl âk ntŭk nsu tăch r’văt, tâm nĕ gĕh nau pah kan r’gâl nau kan hành chính; n’hao nau dăng tâm pĭt ta ăp ntil nau kan, r’gâl mhe ntŭk bu nsu kan, pah kan ndrel ma doanh nghiệp; jă đă, mât uănh n’hanh dŏng uĕh ăp ntil ndơ gĕh gơi bư ntŭk n’sing hao tâm nau kan.
(2) Ndâk njêng ngih wâl gung trong, tâm nĕ gĕh nau pah kan kh’lay lah bư gung trong, kơl lor nau kan nsu ndâk nkra, pơk huy trong hăn tâm n’gor, tâm r’nglăp ăp ntŭk hăn pâl ân bu năch n’hanh ngih wâl gung trong tâm ka lang bon têh. Ngăch pah kan ndâk nkra Trong cao tốc Tây Nguyên - Bon têh Hồ Chí Minh (ntơm bơh bon têh Gia Nghĩa tât ta Bon têh Hồ Chí Minh), nkra ân di năm; dăn Trung ương ngăch ndâk nkra trong rdeh treng Dak Nong – Chơn Thành (Bình Phước); pơk huy trong têh 28.
(3) N’hao joi bu nuyh gĕh âk nau blau tâm nau pah kan, tâm nĕ gĕh nau kan ntĭm n’hanh joi ăp bu nuyh blau tâm nau pah kan chính trị, tâm nĕ gĕh kan bộ kô ruanh, mât uănh nau pah kan n’hanh bu nuyh blau pah kan tâm ăp ntil nau kan kh’lay gơi bư hao nau wăng sa tâm n’gor.
Quốc Sỹ