Tĕng nau kan aơ, Rbŭn têh trĕng kơp 2 ntil nau kan nchŭn n’hâm suan ndjôt bôk, ntĭm gai pah kan ân lôch jêh, ndâk njêng Dak Mil jêng n’qual kơp di bon lan mhe bơh năp năm 2025; N’hao tay nau kan ndâk njêng, plăch r’gâl nau kan Ðảng ân kloh uĕh, nâp phêt; Ndâk njêng phung kan bộ gĕh nuih n’hâm uĕh, lĕ n’hâm suan tâm nau pah kan, gĕh nau blau, gĕh k’hưm, tâm di ma nau pah kan tâm năm khay abaơ.
Gơi pah kan lôch jêh nau jao kan bư hao nau wăng sa – nau rêh bon lan, Ðảng bộ pah kan 3 ntil nau kan aơ: Bư hao nau kan bư mir jan kông nghệ mhe tâm r’nglăp ndrel ma kông nghiệp nkra drăp ndơ n’hanh nkra gĕh âk ntil drăp ndơ tăch bơh tach n’qual; Bư hao nau tăch r’văt drăp ndơ, ndâk bư ntŭk bu năch hăn pâl, tăch drăp ndơ, nsrôih bư jêng n’qual têh ngăn ngên ta mpeh bắc n’qual; Bư hao lĕ r’ngôch nau wăng sa – nau rêh bon lan, tâm nĕ gĕh nau kan ndâk nkra trong hăn, nglau n’gân dak n’hanh ngih wâl gung trong tâm bon têh.
 |
Ðảng bộ n’qual nsrôih pah kan ndơp Dak Mil jêng bon têh ta năm 2025. Ảnh: Cao Biên |
 |
N’qual nsrôih pah kan bư gĕh 4 xă kơp di bon lan mhe hao tay |
 |
Nô nau bư hao nau wăng sa gĕh rlau 9% du năm |
 |
N’sĭt prăk rêl tâm nau pah kan du huê bu nuyh rlau 75,6 r’keh prăk du năm |
 |
85% r’noh r’năk bu nuyh bon lan dơi dŏng dak kloh |
 |
Uănh kh’lay nau kan mât neh ntu, đăp mpăn nau rêh, mât mray uĕh lăng nau kan chính trị, gơi đăp mpăn nau rêh tâm bon lan |
Bảo Ngọc - H'Mai