 |
Vitamin C gĕh âk tâm ăp ntil play cam, quýt, play kroch, play kroch đung… |
He dŏng vitamin C ân ma kon se ntơm 6 - 11 khay lah 25 -30 mg/du nar, kon re ntơm 1-6 năm lah 30 mg/du nar, kon se ntơm 7- 9 năm lah 35 mg/du nar, druh ndăm ntơm 10 – 18 năm lah 65 mg/du nar, bu nuyh lĕ têh lah 70 mg/ du nar, bu ur gĕh bŭn lah 80 mg/du nar, mê ân kon pu tih lah 95 mg/ du nar. Tĕng ăp bu nuyh mĭn kan dinh dưỡng, vitamin C gĕh tâm ndơ sa lah he dŏng sa uĕh tay đah ăp ntil dak si gĕh vitamin C. Ăp nar, he sa âk n’ha trau rse n’hanh ăp ntil play dŭm lah mô hôm kâp ngêt tay dak si gĕh vitamin C. Lah n’hâm suan săk jăn ngêt sa mô kah mbung he dŏng ndơ sa gĕh âk vitamin C gơi sa (tĕng nau ntĭm nai dak si). Mông dơi he dŏng ngêt uĕh ngăn ngên vitamin C lah ơm ôi mô rĭ dĭng nar jêh sông. Lah dŏng ngêt ndul dôl ma ji ngot bư ndul he ji uh, ji proch…
H’Mai (t.h)