Tâm nau răk chăm, nô lĕ ruah sŏk, chiêt ghep, dŏng rnih tơm tăm gĕh nsĭt âk tâm nau wăng sa gơi prăp n’hanh pơk huy neh tăm. Yor nsrôih, gơih pah kan n’hanh kơt di nau ntĭm khoa học kĩ thuật nĕ tơm bơ tâm rnăk nô jêng ngăn. Abaơ, bơh đah 200 tơm bơ lĕ gĕh play, rnăk nô lĕ tăm tay gĕh 500 tơm bơ mhe tâm ban gĕh ntil bơ Pinkerton, Reed, Hass... Ðah rnoh tăch bơ Booth ntơm 50.000 – 70.000 du kí n’hanh 45.000 – 55.000 rbăn du kí bơ sáp grăp jê, ăp năm rnăk nô Minh gĕh nsĭt tât 500 rkeh prăk.
 |
Rlau 200 tơm bơ Booth n’hanh bơ sáp grăp jê tâm rnăk nô Phan Văn Minh abaơ dôl ma gĕh play |
 |
Ăp năm nô Minh pĕ gĕh rlau 10 tân bơ, gĕh nsĭt tâm 500 rkeh prăk |
 |
Nô Minh chiêt ghép tay, gơi gĕh tơm play kon tăch ân ma rnăk ba bă rvăt |
Y Krăk