Ntơưv Hôix nghis, Trung ương tưz siz thangv, tsang têk pov đhâu nhân sưs, đêx cưv cxangz iz cxa đôngx chir thơưx jas uô Ban Tsât hanhx Trung ương; cxangz iz cxa đôngx chir Wiv viên Trung ương khoar XII thuôx trươngx hơx "tiv zix" tair cưv khoar XIII haz iz cxa đôngx chir thơưx jas thuôx trươngx hơx “tiv zix” uô Wiv viên Trung ương tsinhv; pov đhâu nhân sưs zos Wiv viên Bôx Tsinhz chei khoar XII thuôx trươngx hơx "tiv zix" tair cưv khoar XIII haz ntơưr đêx cưv chor bê nav hâu ntơưv Đangv, Têz qơưs ntu khoar XIII đrul chor flâur tox tsongs saz.
 |
Tôngv Bir thư, Tsuv tinhx têz qơưs Nguyễn Phú Trọng kra chei xâuk kangz Hôix nghis. |
Ban Tsât Trung ương tưz siz thangv, thôngx zênhv los six saz lus nhangx xangv ntơưr Pangz Tsuv tinhx, Pangz Thư cir haz Ban Thâmv tra tư cach đaix biêuv ntơưv Đaix hôix XIII; pov đhâu chor bor cor ntơưv Ban Tsât hanhx Trung ương khoar XII lus chor văn ciêns trinhx Đaix hôix XIII, lus hâux lưv nhân sưs Ban Tsât hanhx Trung ương khoar XIII; muôx ndâux lus trâu Bor cor xâuk kangz hâux lưv taix chinhr đangv ntu 2016 - 2020. Trung ương cuôs Tiêuv ban Tsov cưv pangz mangx Đaix hôix haz chor cơ cuan, đơn vix cis txus chênhr mangx, nghiêm tuc yơưz seiz đuô tangs nro chor ntu bangx pangz mangx, đamv bov chia Đaix hôix XIII ntơưv Đangv uô lo tar jông.
 |
Tangs nro shênhv Hôix nghis jas tiv 15 Ban Tsât hanhx Trung ương khoar XII. |
Kra chei xâuk kangz Hôix nghis, Tôngv Bir thư, Tsuv tinhx têz qơưs Nguyễn Phú Trọng has, Hôix nghis tưz uô lo tar jông; hâux lưv bangx chia Đaix hôix XIII ntơưv Đangv tưz cơ banv uô tar trơưs mux đich, tsinhr tinhv haz cêr hoaix chuôz kra.
Bảo Ngọc