 |
Ntŭk têl nô nau kăl e tâm way Bri dak Từ Hà ta n’qual Lục Ngạn, n’gor Bắc Giang kah gĭt Kô ruanh ka han Thượng tướng Thân Cảnh Phúc |
Năm 1066, Thân Cảnh Phúc dơi adăch Lý Thánh Tông ân sŏk kon bu ur lah kông chúa Thiên Thành. Ta năm nĕ, che dơi adăch jao nau kan tri châu trấn ải mpeh n’har bri ntơm bơh Lạng Sơn tât ta Quảng Ninh, Bắc Giang. Thân Cảnh Phúc gĕh âk n’hâm suan pah kan ndâk njêng, nkra Bắc Giang, Lạng Sơn jêng du bon têh, jêng du ntŭk nâp phêt ka han, nau wăng sa, nau way ma mpôl Lý n’hanh ăp mpôl hao bơh kơi. Năm 1075, Thân Cảnh Phúc ndrel ma ăp kô ruanh tâm mpeh yôk ntĭm gai ka han pah kan ndrel Lý Thường Kiệt tâm lơh ta thành Ung Châu, Liêm Châu (Khêch) lơh khĭt âk ka han phung Tống dôl rơm lơh bri dak Ðại Việt. Yăn kao năm 1077, Thân Cảnh Phúc dơi bu jao ndâk leo ka han hăn tâm lơh ta Ðộng Giáp bư roh âk ka han phung Tống ta Bắc Giang, Lạng Sơn. Che gĕh bu panh khĭt ta n’qual Lục Ngạn. Jêh khĭt, bu nuyh bon lan tâm mpeh aơ moh păng lah brah, jêng kô ruanh tâm lơ ao chăng. Bu nuyh bon lan ta ăp mpeh Lạng Sơn, Bắc Giang ndâk nkra wâl kah gĭt ma che.
Hồ Mai (t.h)