Tâm nĕ, wa Bí thư N’gor ủy tâ XII lĕ nkah, jêh Rbŭn têh, ăp n’gâng kan ndâk pah kan uĕh nau mĭn kan, bư tĕng nê nê nau mĭn kan, trong leo kan, nau nchră Rbŭn têh lĕ trŭnh; ndâk nau kan mbơh hưn ân bu gĭt âk tâm Ðảng bộ, Bu nuyh bon lan ăp bu nong tâm n’gor jêh lôch nau Rbŭn têh; ndâk njêng nau nchră kan, nau pah kan ân di gơi ndơp Nau n’hêl aơ tât tâm nau rêh, r’gâl Nau n’hêl jêng nau pah kan kăch mạng, ăp ntil nau kan tâm rlong rŏng ma bri dak.
Rbŭn têh kuăl jă lam ăp kan bộ, đảng viên n’hanh Bu nuyh bon lan ăp bu nong tâm n’gor n’hao tay nau way kăch mạng, n’hao tay nuih n’hâm, nau nsrôih, ngăch mprăl, gĕh nau mĭn pah kan dŏng ăp ntil ndơ gĕh, nau gĕh, ndăn ăp ntil nô nau, nklaih nau jêr jŏk, găn nau rlong, pah kan ân lôch jêh Nau n’hêl Rbŭn têh Kô ruanh têh Ðảng bộ n’gor tâ tâl XII, năm kan 2020-2025.
 |
Bí thư N’gor ủy Ngô Thanh Danh mbơh ngơi jêh lôch nar Rbŭn têh |
 |
Wa Ngô Thanh Danh (bơh ma ti) wơt choăh Bu nuyh tă kan bư Ủy viên Trung ương Ðảng, Bí thư N’gor ủy Dak Nong Trần Quốc Huy tât Rbŭn têh |
 |
Rbŭn têh dơi ndâk đah nau moh kan “Tâm rom gop-Bu nuyh bon lan bư tơm-Du nuih tĕng nau kan-Bư tĕng nau pah kan-Hao tâm nau rêh” |
 |
Bí thư N’gor ủy Ngô Thanh Danh chup rup n’hanh phung kan phóng viên Báo Dak Nong ta nar Rbŭn têh |
 |
Rbŭn têh gĕh 41 kô ruanh têh bu nuyh bu nong tât rbŭn |
Bảo Ngọc-Mẫn Doanh