Ðah nau nkra gơi mprơh chiak, dŏng n'ha đaih chăng nkra ban thờ ma jrŏng rnoi hôm njŭn nau way ntĭm sơm oh kon tâm r'năk gĭt nau kh'lay, n'hao uĕh nuih n'hâm tâm nau rêh kah gĭt ma jrŏng rnoi. Ta n'ha đaih chăng way nchih rplay săm bŭt chroh n'hôr mô rĭ rplay săm bŭt uĕh gơi ntĭm sơm, nkah oh mon kon sau tâm r'năk gĭt nau way, nau uĕh lăng kăl e bơh bu nong khăn păng nơm. Tĕng nau way bu nuyh Nùng, mau chăng tâm ban lah măt nar, kêng năk bư răm n'hanh gâm sĭn trau sa tâm r'năk... Yor nĕ, blir n'ha đaih chăng njŭn gĕh nau lap, nau uĕh lăng.
 |
Ta ban thờ jrŏng rnoi n'hanh ăp ban thờ bă bă bu nuyh Nùng way blir n'ha đaih chăng tĕng mrô lẻ 3, 5, 7.. |
 |
Bu nuyh Nùng r'gâl n'ha đaih chăng ta ban thờ ta yăn têt ăp năm |
 |
Abaơ, âk r'năk bu nuyh Nùng hôm blir n'ha đaih chăng gĕh rup rmanh mpơl saơ kơ Bri dak n'hanh rup knôp rnhuăk mpơl saơ Ðảng |
H’Mai