 |
Ndâk tâ Rbŭn nchră nau kan tâl 52 bơh Uỷ ban Chăm gai Quốc hội |
Mbơh ngơi ntơm ndâk nar kan, Kô ruanh Quốc hội Nguyễn Thị Kim Ngân ân gĭt, Ủy ban Chăm gai Quốc hội nchŭn n’hâm suan tâm nchră nau rơm kan ruah kô ruanh kan têh Quốc hội XV n’hanh kô ruanh kan têh Hội đồng Bon lan ăp n’gâng kan năm 2021 – 2026; ăp ntil nau nchră mbơh hưn nchŭn nau gĕh pah kan tâm năm kan 2016 – 2021 bơh Kô ruanh Bri dak, Chánh án N’gâng kan phat dôih Bu nuyh bon lan, Viện trưởng Viện kiểm sát Bu nuyh bon lan n’hanh Kiểm toán Bri dak; nô nau r’gâl nau nsu đah ăp ntil nau kan kh’lay nkra trong cao tốc Bắc – Nam mpeh Ðông năm 2017 – 2020; nau nchră dŏng prăk rêl ân Tập đoàn Dầu khí Việt Nam jêh ân prăk dŏng tâm Nau kan tâm r’nglăp Lọc hóa dầu Nghi Sơn tĕng nau buăn bơh Chính phủ.
Ủy ban Chăm gai Quốc hội mbơh ma Chính phủ nau dŏng kơt khoản 22 Nau 4 bơhluật Ðầu tư công; trĕng uănh, ân trŭnh dŏng kan bơh nau dăn kan Viện trưởng Viện kiểm sát bu nuyh bon lan tâm nau kan njêng Jrô giám định kĩ thuật hình sự kơp tâm Viện Kiểm sát Bu nuyh bon lan; nô nau pah kan tâm pă neh ntu hành chính tâm ăp xă ta 4 n’gor: Dak Nong, Bình Định, Bắc Ninh, Hòa Bình.
Bảo Ngọc