 |
Bu nuyh bon lan Thái n’gor Sơn La m’ak pah kan bư mir jan ba ta năm mô hôm gĕh nau tâm lơh tâm su abaơ |
Jêh Kăch mạng khay Pham, Lò Văn Hắc dơi kan bư kô ruanh tiểu đội trinh sát. Năm 1948, tiểu đội păng rpôn nau kan lơh ka han bu, gĕh nhŭp n’hanh sŏk âk phao rleo ka han bu ta trong hăn tâm lơh ta Vạn Yên, Suối Đúc, Mường Lò, Chợ Suông... Tât khay 4/1948, Trung ương nchră kan gơi ndâk njêng đội Trung Dũng, nau kan dơi bu jao lah tâm lơh, jêh rĭ ndâk njêng ka han. Ka han bu klăch ngăn lah tăng bu n’kôch đội Trung Dũng, tâm nĕ gĕh kô ruanh tiểu đội trinh sát Lò Văn Hắc. Năm 1949, đội Trung Dũng tâm lơh ta mpôih Pom Lạy. Tâ tâm lơh aơ jêr têh ngăn, gĕh âk bu nuyh khĭt. Ka han bu dŏng phao ŭnh n’kĭng ka han he, tiểu đội Lò Văn Hắc kan n’hanh tiểu đội Hà Văn Ắng tâm pă jêng 2 mpeh hăn lơh, panh khĭt âk ka han bu. Lò Văn Hắc hăn lor lơh ka han phao ŭnh bu gơi ka han he tĕng lơh bơh kơi. Wa khĭt tâm lơh ơm tăng ơm bâr nter dâk tâm lơh ma ka han bu, dơi lơh sŏk lơi neh ntu bu pit ta Chiềng Lương. Lơ 11/6/1999, Lò Văn Hắc dơi Bri dak kơp r’nê nau moh Nô hăt janh Phung ka han Bu nuyh bon lan.
Hồ Mai (t.h)