 |
Rup kăl e Ðại tá Y Ni Ksơr n’hanh r’năk sa păng nơm |
Tâm nau tâm lơh tâm su đah My, Y Ni Ksơr bư kan bộ Ban an ninh B3 Tây Nguyên. Che dơi bu ntĭm ntơm bơh trung cấp an ninh, hăn nti ta Liên Xô ơm n’hanh ăp jrô ntĭm nau pah kan tình báo, lý luận chính trị… Jêh dơi tâm lơh sŏk lơi bri dak he bu pit, Ðại tá Y Ni Ksơr pah kan bư Groi Giám đốc, Kô ruanh Ban An ninh Kông an n’gor Dak Lak. Tâm ăp ntil nau pah kan, nau tâm lơh, Ðại tá Y Ni Ksơr lĕ gĕh âk n’hâm suan pah kan, gĕh âk nau pah kan uĕh jă đă bu nuyh bon lan, lĕ n’hâm suan mbơh ntĭm bu nuyh bon lan mât mray đăp mpăn tâm bon lan n’gang n’jrăng, n’gang ăp phung m’hĭk. Ðại tá Y Ni Ksơr lĕ hăn pah kan, ntĭm gai âk nau kan kh’lay, ăp ntil nau tâm lơh, joi nhŭp phung Fulro gĕh phao mô ŭch iăt nau, bư gĕh âk nau m’hĭk ma bu nuyh bon lan. Jêh rlu ranh, yor gĕh nau ji, che khĭt năm 1998. Che dơi Bri dak r’nê kơp nau moh bu nuyh Hăt janh Phung ka han Tâm lơh Bu nuyh bon lan năm 1980, Huân chương Kháng chiến hạng Nhất, Huân chương Chiến công hạng Nhì. Săk che dơi bu moh jêng săk trong hăn ta bon têh Buôn Ma Thuột.
Hồ Mai (t.h)