Tơm dâu dơi tăm tĕng nau kan hữu cơ, mô gĕh dŏng ăp ntil dak si krih n’hanh bư neh ân uĕh gơi tơm dâu hao jêng êng. Wâl tăm tơm dâu dơi nsu nkra trong tŏ dak êng jêh rĭ sui phân lŭk lai đah dak ân truh ta pĭt tơm n’hanh tơm ngăch jêng, mô gĕh hoach âk n’hâm suan pah kan. Jêh 3 khay tăm, tơm dâu gĕh âk ngăn play, đah r’noh prăk tăch ntơm 250.000 – 300.000 r’hiăng du kí. Play dâu mô gĕh iang dak si ndrŭng, play sa ranh, njŭng ngăn. Aơ dơi bu uănh lah du ntil nau kan tăm dâu hữu cơ ntơm gĕh nau uĕh ta bon têh Gia Nghĩa.
 |
Dâu dơi bu tăm ta thung tĕng mbor, dơi nkra mâng nsing gơi tăm ka lơ njrưng prêh ma neh tâm du met |
 |
Nô Vinh nkra êng phân hữu cơ ta wâl gơi sui ma tơm sâu |
 |
Âk ntil dâu tây gĕh play têh uĕh tâm ban gĕh dâu tây Hàn Quốc, Mỹ, Zealand…dơi păng tăm uĕh ngăn |
H'Mai